Plantun de Prouvènço

Pèr coumpara dos planto d'encò nostre

Rumex conglomeratus & Molopospermum peloponnesiacum

Rumex conglomeratus

Polygonaceae

Nom en français : Oseille agglomérée.

Descripcioun :
Aquesto paciènci, un pau grando, trachis dins lis armas bagna e en ribo d'aigo. Li fueio amé un pecou e un pau longo, soun pas acide. Se recounèis subretout à si valvo de fru entiero, pu longo que larjo emé tres couissin desveloupa.

Usanço :
Li jóuini fueio podon se manja crudo, pièi, pu grosso, li fau faire bouli en chanjant l'aigo. Emé de la soun mens astringènto. En Grèço se n'en servon coume de fueio de vigno.

Port : Erbo
Taio : 30 à 90 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Prado umido
Estànci : Termoumediterran à Coulinen
Couroulougi : Éurasiatico
Ref. sc. : Rumex conglomeratus Murray, 1770

Angelico-de-mountagno

Molopospermum peloponnesiacum

Apiaceae Umbelliferae

Noms en français : Moloposperme du Péloponnèse, Couscouil.

Descripcioun :
L'angelico-de-mountagno es uno erbo renadivo forto, pulèu raro au nostre, que trachis dins li roucas, roucaio, gros esboudèu e peréu en ribo de gaudre. Se recounèis à si fueio que sèmblon li de la cigudo, à soun óudour de punaise e si cambo boutisso. Li fru de 8 à 10 mm soun cubert de cinq costo alado.

Usanço :
Dins li Pirenèu li pecou se manjon en ensalado coume d'àpi. Pamens la fau pas acampa que la planto es aparado categourìo LC, valènt à dire soucit minour.

Port : Erbo
Taio : 1 à 2 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Molopospermum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 10 à 20 cm
Flourido : Printèms - Estiéu

Sòu : Ca (Si)
Autour basso e auto : 200 à 2200 m
Aparado : Noun
Abriéu à Juliet

Liò : Roucas fres - Ribo de gaudre - Pendis roucaious - Orle de bos
Estànci : Mountagnard à Subaupen
Couroulougi : Ouroufito-Sud-Éuroupenco
Ref. sc. : Molopospermum peloponnesiacum (L.) W.D.J.Koch

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Rumex conglomeratus & Molopospermum peloponnesiacum

Coumpara Paciènci-(agroumelado) emé uno autro planto

Coumpara Angelico-de-mountagno emé uno autro planto